Haustönn Leiklistarskóla LA lauk laugardaginn 21. nóvember með stórskemmtilegri sýningu á sviði Samkomuhússins. Frábær stemmning var á sýningunni og nemendum fagnað gríðarlega. Þeir 42 nemendur sem stundað hafa nám undanfarnar 10 vikur í skólanum sýndu leikritið Rétta leiðin, eftir Hrefnu Hallgrímsdóttur og Erlu Ruth.
Húsfyllir var á sýningunni og komust færri að en vildu.
Nám á vorönn Leiklistarskólans hefst 18. janúar 2010 og hægt er að skrá sig í síma 4 600 200 kl. 13.00-17.00. Einnig mun verða hægt að skrá sig hér á heimasíðunni á næstunni.
Leiklistarskóli LA er ætlaður fólki á aldrinum 8-15 ára.
