Það verður sannkölluð leikhúsveisla um páskana hjá LA. Hin geysivinsæla sýning 39 þrep verður sýnd í
Samkomuhúsinu. Það borgar sig að tryggja sér miða í tíma, því uppselt hefur verið á allar sýningar á 39
þrepum frá frumsýningu.
LA býður upp á hina stórskemmtilegu fjölskyldusýningu HORN Á HÖFÐI í Rýminu um páskana. Þarna er á ferðinni
vandað leikrit með söngvum, sem hlotið hefur gríðarlega góða dóma og aðsókn. Sýningin er gestasýning frá GRAL
Grindvíska atvinnuleikhúsinu.
FÚLAR Á MÓTI koma aftur til Akureyrar og skemmta gestum eins og þeim einum er lagið. Þrjár af okkar bestu gamanleikkonum saman á sviðinu,
þær Edda Björgvins, Helga Braga og Björk Jakobs. Þær stöllur munu sýna á Marínu (áður Oddvitinn) þar sem setið er
við borð og hægt að njóta ljúfra drykkja.
Ekki er allt upptalið því þann 7. apríl verður þriðji leiklesturinn í Leiklestraröð LA. Þá mun spænsk
ástríða ráða ríkjum í flutningi leikara LA og Alberto Carmona sem mun leiða gítarband.
Hægt er að kaupa miða á alla þessa viðburði í síma 4 600 200 og hér á heimasíðunni.
Gleðilega leikhúspáska!
