Það verður sannkölluð leikhúsveisla um páskana hjá LA.
FÚLAR Á MÓTI koma aftur til Akureyrar og skemmta gestum eins og þeim einum er lagið. Þrjár af okkar bestu gamanleikkonum saman á sviðinu, þær Edda Björgvins, Helga Braga og Björk Jakobs. Þær stöllur munu sýna á Marínu (áður Oddvitinn) þar sem setið er við borð og hægt að njóta ljúfra drykkja.
Hin geysivinsæla sýning 39 ÞREP verður sýnd í Samkomuhúsinu. Það borgar sig að tryggja sér miða í
tíma, því uppselt hefur verið á allar sýningar á 39 þrepum frá frumsýningu.
LA býður upp á hina stórskemmtilegu fjölskyldusýningu HORN Á HÖFÐI í Rýminu um páskana. Þarna er
á ferðinni vandað leikrit með söngvum, sem hlotið hefur gríðarlega góða dóma og aðsókn. Sýningin er gestasýning
frá GRAL Grindvíska atvinnuleikhúsinu.
Ekki er allt upptalið því þann 7. apríl verður þriðji leiklesturinn í Leiklestraröð LA. Þá mun spænsk ástríða ráða ríkjum í flutningi leikara LA og Alberto Carmona sem mun leiða Tangóband.
Hægt er að kaupa miða á alla þessa viðburði í síma 4 600 200 og hér á heimasíðunni.
Gleðilega leikhúspáska!
