Sumardaginn fyrsta, fimmtudaginn 22. apríl mun Jana María leik- og söngkona endurtaka, vegna fjölda áskorana, tónleika sína sem hún flutti fyrr
í vetur og tileinkar Söngfuglinum Helenu Eyjólfsdóttur. Jana María mun fara yfir ævi og feril Helenu og syngja lög hennar við undirleik Valmars
Valjaots. Tónleikarnir hefjast kl. 20.00 í Samkomuhúsinu.
Hvar á hún heima þessi kreppa??
LMA, Leikfélag Menntaskólans á Akureyri frumsýnir leikrit Péturs
Gunnarssonar, Grænjaxla, föstudaginn 23. apríl í Rýminu. Sýningin er framleidd af LMA í samstarfi við Leikfélag Akureyrar, og það er
með ánægju sem LA tekur þátt í þessu samstarfi. Það hefur verið skemmtilegt að vinna með þessu kraftmikla unga fólki og
óhætt er að lofa skemmtilegri sýningu á Grænjöxlum. Verkið segir frá fjórum saklausum ungmennum sem leita að kreppunni og tilgangi
lífsins. Á leiðinni mæta þau allskyns hindrunum hins risavaxna og óskiljanlega þjóðfélags.
Hægt er að kaupa miða hér á heimasíðunni og í miðasölu LA sem er opin 13.00-17.00 virka daga. Miðasölusími er 4 600 200.
