Leikfélag Akureyrar og Veitingastaðurinn FRIÐRIK V hafa tekið upp þráðinn frá síðasta leikári og bjóða upp á 3ja rétta máltíð og "óhefðbundna þjónustu" á Friðrik V.
Þjónar leika, leikarar þjóna, allir leika á gesti og gestirnir leika á als oddi.
Nú eru nýir ”þjónar” með í för og forvitnilegt að vita hvernig þeir reynast!
Þetta er uppákoma sem byggir á spuna og stemmningu og aldrei að vita hvað gerist, því engar tvær sýningar eru eins.
Síðastliðinn vetur var uppselt öll kvöldin og oft var biðlisti eftir borðum.
Fyrstu sýningarnar eru:
- miðvikudaginn 23. september kl. 19.00
- miðvikudaginn 14. október kl. 19.00
Um að gera að panta strax, því aðeins örfá sæti eru eftir á þessi fyrstu kvöld!
Miðasala í síma: 461 5775 og á www.fridrikv.is.
Miðar óskast sóttir 1 degi fyrir sýningu, annars eru þeir seldir á sýningardag.
