Leikfélag Akureyrar - LA

Nú er lokið upptökum á plötu  með lögunum úr ROCKY HORROR og nokkur laganna þegar komin í spilun á öldum ljósvakans. Platan mun koma í sölu í lok ágúst. Andrea Gylfadóttir tónlistarstjóri sýningarinnar stjórnaði upptökum sem fóru fram í stúdíó Sounds á Akureyri í mars sl.

Verið er að leggja lokahönd á stóra salinn í Hofi, og tækni- og sviðsfólk LA ásamt ljósa-, hljóð- og leikmyndahönnuðum eru að gera klárt fyrir lokaæfingar á ROCKY HORROR sem fram fara í ágúst.

Sýningin mun verða hin glæsilegasta  hvað varðar alla umgjörð, og úrvalslið leikara, söngvara og tónlistarmanna mun gleðja leikhúsgesti á hausti komanda.

Frumsýningin er 10. september, og forsala aðgöngumiða hefst 10. ágúst á www.leikfelag.is

Sýning Leikfélags Akureyrar á 39 Þrepum var valin ÁHORFENDASÝNING ÁRSINS  2010 á Grímuhátíðinni þann 16. júní.

Almenningi gafst kostur á að kjósa sýningu ársins á heimasíðu Grímunnar  stuttu fyrir hátíðina sjálfa. Þar lentu 5 leiksýningar í efstu sætunum og gafst fólki  þá tækifæri til að hringja inn og velja uppáhaldssýninguna sína. Sýningin 39 Þrep sem LA sýndi við frábærar undirtektir í vetur fékk flest atkvæði og viðurkenninguna SÝNING ÁRSINS 2010 að mati áhorfenda.

Við hjá LA þökkum hjartanlega fyrir þennan heiður og metum þessa viðurkenningu mikils. LA óskar því starfsfólki og listamönnum sem stóðu að sýningunni og innilega til hamingju.
Einnig óskar LA öllum þeim listamönnum sem hlutu Grímuverðlaun fyrir verk sín innilega til hamingju.

Nú er ljóst að sýning Leikfélags Akureyrar 39 ÞREP er í úrslitum sem ÁHORFENDASÝNING ÁRSINS 2010. 5 sýningar eru efstar í þessari kosningu.. 39 ÞREP var sýnd við gífurlegar vinsældir hjá LA sl. vetur og erum við hjá Leikfélaginu þakklát fyrir að hún skuli vera komin í þessi úrslit.  Við hvetjum alla sem vettlingi geta valdið að láta ekki sitt eftir liggja, því það er jú almenningur sem getur greitt sýningunni atkvæði sitt. Það þarf einfaldlega að hringja í 900 1201.

Til þess að greiða sýningunni atkvæði með því að hringja í 900 1201.

Um að gera að taka þátt og hafa þannig áhrif á það hvaða sýning fær áhorfendaverðlaunin í ár!!

Síðasta sýning á dansverkinu AFTURSNÚIÐ verður í Rýminu í kvöld kl. 8. Mögnuð og óvenjuleg danssýning sem enginn ætti að missa af.
Þeir félagar Steinn Ármann og Davíð Þór gerðu allt vitlaust í Samkomuhúsinu í gærkvöldi með sýningunni Villidýr og Pólitík. Seinni sýning þeirra félaga verður í kvöld kl. 20.00

Hægt er að panta miða á báðar þessar sýningar hér á heimasíðunni eða í síma 4 600 200 frá kl. 13.00 í dag.

Góða skemmtun!

Uppskeruhátíð sviðslista, Grímuhátíð Leiklistarsambands Íslands, verður haldin í áttunda sinn miðvikudaginn 16. júní í Þjóðleikhúsinu. Tilnefningar verða opinberaðar í Þjóðleikhúskjallaranum föstudaginn 4. júní kl. 16. Allir velkomnir!

Vegna fjölda áskorana hefur verið ákveðið að sýna aukasýningu á 39 þrepum þann 21. maí í Íslensku óperunni. Þetta er síðasta sýning á 39 þrepum á þessu leikári! Sýningin hefst kl. 20.00 og miðasala er þegar hafin á http://www.opera.is/ og  í síma 511 4200.

Hláturinn lengir lífið!

á þessum síðustu og verstu...

"... alt sem horfir til menníngarauka fyrir  þjóðina er ódýrt, hvort sem það kostar mikið eða lítið. Ég veit þeir menn eru til sem fortelja okkur að það sé ódýrast og hagkvæmast að lifa eins og skynlaus skepna og hafa aungva tónlist og aungva leiklist, þeir telja að sá einn ljóður sé á ráði mannkynsins að það kunni ekki að bíta gras." – Halldór Laxness "Ræða á listamannaþingi 1950".