LA heldur úti öflugu barnastarfi.
Leiklistarskóli LA
LA hefur stofnað sinn eigin Leiklistarskóla fyrir börn á svæðinu. Sjá nánar um Leiklistarskóla LA undir:Námskeið.
Fjöldi skólabarna heimsækir leikhúsið ár hvert á skólatíma. Starfsmenn leikhússins geta í
flestum tilvikum tekið á móti börnum í stærri eða smærri hópum: Heimsóknir
ÆVINTÝRAMORGUNN Í LEIKHÚSINU er starfsdagur fyrir duglegt fólk á aldrinum 3ja til 8 ára. Nokkra laugardagsmorgna í vetur býðst þeim að koma með foreldra sína í Samkomuhúsið. Ókeypis pössun er fyrir foreldrana, sem geta setið í rólegheitum og lesið blöð og tímarit, og fengið sér kaffi á meðan leikarar LA bjóða börnunum með sér á leynistað.
Á leynistaðnum verða lesnar sögur, farið í ýmsa skemmtilega leiki og sungið saman. Stundum er spjallað um lífið og tilveruna, stundum
búnir til leikþættir þar sem nota má skemmtilega búninga og muni úr leikhúsinu. Allt mögulegt getur gest á þessum
ævintýralegu morgnum, því það eru engin takmörk fyrir því hvað börnum og leikurum dettur í hug þegar þau eru
saman. Og þannig á það að vera.
Þessir fjölskyldumorgnar eru auglýstir í Dagskránni og hér á heimasíðu LA. Það þarf að tilkynna sig ámidasala@leikfelag.is
Veturinn 2004-2005 komu allir krakkar í 8., 9., og 10 bekk á Eyjafjarðarsvæðinu í leikhúsið að sjáAusu. Heimsóknin var þeim að kostnaðarlausu og var sýningunni fylgt eftir í mörgum skólum af lífsleiknikennurum. Þetta er hluti að nýrri stefnu LA að leggja áherslu á unga fólkið og fá það í auknum mæli í leikhúsið og ala upp nýja kynslóð leikhúsgesta. LA vonast til að geta haldið áfram að bjóða skólabörnum í leikhús.
Sendið fyrirspurn á midasala@leikfelag.is eða hringið í síma: 4 600 202 kl. 13-17.
