Árni Heiðar Karlsson

Starfstitill: Hljóðfæraleikari
Ferilskrá: ÁRNI HEIÐAR KARLSSON - leikur á hljómborð og er hljómsveitarstjóri í Rocky Horror
Árni Heiðar hefur stundað nám á Íslandi, í Noregi, Hollandi, Englandi og Bandaríkjunum og lauk Meistaragráðu (M.M) í klassískum píanóleik frá Tónlistarháskólanum í Cincinati (CCM), auk burtfararprófa (B.M) frá Tónlistarskólanum í Reykjavík og Djassdeild FÍH.
Árni Heiðar hefur verið virkur í íslensku tónlistarlífi frá árinu 1994 þegar hann stofnaði Djasstríó Reykjavíkur sem spilaði víðsvegar um landið. Árni hefur sent frá sér tvær sólóplötur; Q (2001) og Mæri (2009), og báðar voru þær tilnefndar til Íslensku tónlistarverðlaunanna, ÍTV, sem bestu djassplötur ársins. Árni Heiðar samdi tónlist og var tónlistarstjóri í leikritinu Halldór í Hollywood sem sett var upp á Stóra sviði Þjóðleikhússins leikárið 2005-2006.
Árni Heiðar hefur komið víða fram með margvíslegum listamönnum, innlendum sem erlendum á síðustu árum bæði á vettvangi sígildrar tónlistar og djass. Þetta er í fyrsta sinn sem Árni Heiðar starfar hjá Leikfélagi Akureyrar og bjóðum við hann innilega velkominn til starfa.