Eyþór Ingi Gunnlaugsson

Starfstitill: Leikari
Ferilskrá: EYÞÓR INGI GUNNLAUGSSON – leikur Riff Raff í Rocky Horror
Eyþór Ingi er borinn og barnfæddur Dalvíkingur. Hann er fæddur árið 1989 og byrjaði að leika í menntaskóla, lék þar m.a. í Superstar. Árið 2003 lék hann í Margt smátt gerir eitt stórt; leiklistarhátíð á vegum BÍL í samvinnu við Borgarleikhúsið. Árið 2007 vann Eyþór Söngkeppni framhaldsskólanna og árið eftir, 2008, sigraði hann söngkeppnina „Bandið hans Bubba“ og síðan hefur hann haft nóg að gera sem söngvari og tónskáld. Eyþór hefur oft komið fram sem söngvari með Stuðmönnum og Todmobil. Hann hefur einnig verið vinsæll skemmtikraftur við ýmis tækifæri og á síðasta ári vann hann keppnina „Laddinn“. Eyþór vinnur nú að sólóplötu með eigin tónsmíðum. Eyþór Ingi lék í Óliver Twist! hjá Leikfélagi Akureyrar veturinn 2004-2005 og í Óvitar leikárið 2007-2008.