Leikfélag Akureyrar - LA

Gunnar Sigurbjörnsson er fastráðinn tæknistjóri hjá Leikfélagi Akureyrar og hefur komið að fjölmörgum sýningum Leikfélagsins allt frá árinu 1986. Hjá LA hefur hann hannað hljóðmynd, hljóðblandað og keyrt fjölmargar sýningar, meðal þeirra má nefna eftirtaldar: Slavar, Pakkið á móti, Litla hryllingsbúðin, Óliver!, Lífið – notkunarreglur, Óvitar, Fló á skinni, Músagildran, Lápur, Skrápur og jólaskapið, Fúlar á móti, Falið fylgi, Lilju, Lykilinn að jólunum og 39 þrep. Gunnar hefur verið ráðgefandi í hljóðmálum í Hofi, og tekið þátt í að gera stóra salinn þar hentugan fyrir rokksöngleik eins og Rocky Horror. Gunnar mun koma að öllum sýningum LA í vetur auk þess að aðstoða við og sjá um uppsetningu og keyrslu gestasýninga og annarra viðburða.