Leikfélag Akureyrar - LA

JÓHANN G. JÓHANNSSON - leikur  í Farsæll farsi
Jóhann  útskrifaðist með BA gráðu í leiklistar- og kvikmyndafræðum frá University of Hartford, Connecticut árið 1994. Hann hefur unnið sem atvinnudansari, tónlistarmaður og leikari um árabil. Hann hefur leikið í yfir þrjátíu leikritum hér á landi og erlendis, m.a., Hárinu 1994, Superstar, Stonefree, Litli Kláus og Stóri Kláus, Fiðlarinn á Þakinu, Grease 1998, Mávahlátri, Feitir menn í pilsum, Pétri Pan, Fegurðardrottningunni frá Línakri, Vorið vaknar, Kryddlegnum hjörtum, barnasöngleiknum Honk!, Hárinu 2005, Himnaríki, Súperstar, Abbababb, Gretti og Við borgum ekki. Jóhann hefur leikið í þó nokkrum kvikmyndum, þar ber helst að nefna Nonna og Manna, Sódóma, Stuttur Frakki, Dansinn, Englar alheimsins, Strákarnir okkar, When Children Play in the Sky, Stóra Planið og Flags of Our Fathers. Jóhann hefur einnig unnið við ýmislegt fyrir sjónvarp, m.a. leikið í þremur Áramótaskaupum, árin ´96, ´01 og ´02. Hann hefur um árabil verið annar stjórnenda hins vinsæla þáttar á Rás 2; Frá A til J.  Jóhann leikstýrði Dirty Dancing, Made in USA og Sólsting hjá Verslunarskóla Íslands. Í fjögur á var hann umsjónarmaður Stundarinnar okkar.
Jóhann sló í gegn síðastliðinn vetur í gamanleiknum 39 þrep sem var valin Áhorfendasýning ársins á Grímunni 2010. Jóhann mun leika í Farsæll farsi síðar á leikárinu 2010-2011.