Leikfélag Akureyrar - LA

ÞRÚÐUR VILHJÁLMSDÓTTIR - Leikkona
Þrúður lauk námi frá Leiklistarskóla Íslands árið 1997. Hún hefur leikið í fjölda leiksýninga, meðal annars Beinni útsendingu, Trainspotting, hlutverk Ófelíu í Hamlet, Sölku – ástarsögu, Beyglum, Faðir vor, Brotið, Himnaríki, Ökutímum hjá LA 2007, Dansaðu við mig, hlutverk Þórgunnar í Fló á skinni og Við borgum ekki, samstarfsverkefni LA, Borgarleikhúss og Nýja Íslands leikárið 2008-2009. Þrúður var aðstoðarleikstjóri í Vitleysingunum árið 2000 og Hafinu bláa árið 2006. Meðal kvikmynda sem Þrúður hefur leikið í eru Ástríður, Foreldrar, True Love Once Removed, 101 Reykjavík, Sporlaust, Stikkfrí og Kalt borð. Þrúður hefur einnig leikið í fjölda útvarpsleikrita og sjónvarpsþátta. Um árabil hefur Þrúður unnið við talsetningu barnaefnis fyrir sjónvarp, ásamt því að kenna leiklist. Þrúður lék mörg hlutverk í gamanleiknum 39 þrep hjá LA veturinn 2009-2010, sem var valin Áhorfendasýning ársins á Grímunni 2010.