Leikfélag Akureyrar - LA

39 þrep, eða The 39 Steps, er nýlegur gamanleikur eftir Patrick Barlow, sem byggður er á hinni þekktu kvikmynd Alfred Hitchcock, eftir samnefndri skáldsögu John Buchan. 

Það er óhætt að segja að leikgerðin sé ekki öll þar sem hún er séð, en hana skrifaði breski háðfuglinn Patrick Barlow. Í þessum nýstárlega og sprenghlægilega spennu-gamanleik takast fjórir hugrakkir leikarar á við 139 hlutverk, í einhverjum hröðustu, mest spennandi og fyndnustu 100 mínútum sem sést hafa á leiksviði. 39 þrep hlaut hin virtu Olivier verðlaun sem besta gamanleikritið árið 2007 og tvenn Tony verðlaun árið 2008.

Verkið verður frumsýnt í Samkomuhúsinu þann 8. janúar 2010.

39 Þrep er sett upp í samstarfi við VÍS.

Þýðing

• Eyvindur Karlsson

Leikstjórn

• María Sigurðardóttir

Leikmynd

• Finnur Arnar Arnarson

Lýsing

• Halldór Örn Óskarsson

Búningar

• Rannveig Eva Karlsdóttir

Hljóðmynd

• Gunnar Sigurbjörnsson

Gervahönnun

• Ragna Fossberg

Hár og förðun

• Sunna Björk Hreiðarsdóttir og Harpa Birgisdóttir

Leikarar

• Atli Þór Albertsson
• Björn Ingi Hilmarsson
• Jóhann G. Jóhannsson
• Þrúður Vilhjálmsdóttir

**** ..." Leikstjórnarsigur Maríu Sigurðardóttur. Henni tekst að draga fram það besta í hverjum og einum og virkja leikgleði sem sést of sjaldan.
Verður án efa í baráttusætinu um besta gamanleikrit ársins 2010 á Íslandi. Sterk leikstjórn og smitandi leikgleði. Vel unnin sýning." - Sigurbjörg Árnadóttir - Fréttablaðið

"Þeim sem erfitt eiga með að brosa þessa dagana er óhætt að benda á að kvöldstund í gamla Samkomuhúsinu á Akureyri svíkur engan." - SH. Mbl.

"Ég held ég hafi ekki hlegið jafn mikið í mörg ár!" - Leikhúsgestur á frumsýningu.

"Einfaldlega leikhús eins og það gerist best" - ÁÞÁ Vikudagur