Leikfélag Akureyrar - LA

Hefjast fljótlega. Ævintýramorgun í leikhúsinu nutu miklla vinsælda fyrir áramót og hefjast þeir innan skamms aftur, verða þeir auglýsir hér á heimasíðu

auglysing.jpg

Ævintýramorgnar

Hefjast fljótlega

Ævintýramorgun í leikhúsinu nutu miklla vinsælda fyrir áramót og hefjast þeir innan skamms aftur, verða þeir auglýsir hér á heimasíðu LA sem og í Dagskránni. Ævintýramorgun í leikhúsinu er starfsdagur fyrir duglegt fólk á aldrinum 3ja til 8 ára.  Einn laugardagsmorgun í mánuði  býðst þeim að koma með foreldra sína í Samkomuhúsið. Ókeypis pössun er fyrir foreldrana, sem geta setið í rólegheitum og lesið blöð og tímarit,  og fengið sér kaffi á meðan leikarar LA bjóða börnunum með sér á leynistað.


Á leynistaðnum verða lesnar sögur, farið í ýmsa skemmtilega leiki og sungið saman. Stundum er spjallað um lífið og tilveruna, stundum búnir til leikþættir þar sem nota má skemmtilega búninga og muni úr leikhúsinu. Allt mögulegt getur gest á þessum ævintýralegu morgnum, því  það eru engin takmörk fyrir því hvað börnum og leikurum dettur í hug þegar þau eru saman. Og þannig á það að vera.

Þessir fjölskyldumorgnar eru auglýstir í Dagskránni og hér á heimasíðu LA. Hlökkum til að sjá ykkur!  

Framsetning efnis

moya - Útgáfa 1.13 2009 - Stefna ehf