Leikfélag Akureyrar - LA

Bátur heldur úr höfn rétt fyrir dögun. Menn ýmist fleygja sér í koju eða halda sér vakandi á sígarettum, kaffi og veltingi. Enginn hefur minnsta grun um hvað er í vændum.

Djúpið er frásögn úr íslenskum veruleika sem lætur engan ósnortinn. Þetta er óður til allra þeirra fjölmörgu, íslensku sjómanna sem í gegnum aldirnar hafa haldið á djúpið.

Verkið var heimsfrumsýnt í Oran Mor leikhúsinu í Glasgow í apríl síðastliðnum og var einn þekktasti leikari Skotlands, Liam Brennan,í aðalhlutverkinu. Viðtökur gagnrýnenda voru frábærar en Djúpið fékk fjórar stjörnur í The Scotsman. Leikhús um alla Evrópu hafa tryggt sér sýningarréttinn á þessu magnaða verki Jóns Atla Jónassonar.  Stórleikarinn Ingvar E. Sigurðsson fer hér með aðalhlutverkið, en verkið var skrifað með hann í huga. Jón Atli, höfundur verksins leikstýrir.

Leikstjórn

• Jón Atli Jónasson

Leikmynd

• Árni Páll Árnason

Lýsing

• Björn Bergsteinn Guðmundsson

Leikari

• Ingvar E. Sigurðsson

"Það er langt síðan ég hef staðið upp jafn djúpt snortinn eftir sýningu á nýju íslensku leikriti."
JVJ, DV

"... feikivel flutt og áhrifamikið."
PBB, Fréttablaðið