Leikfélag Akureyrar - LA

Söngfuglar er tónleikaröð Jönu Maríu og Ívars Helgasonar um söngfugla liðins tíma en þau hafa hreiðrað um sig í Samkomuhúsinu, Akureyri. Fyrstu tónleikarnir verða á fullveldisdaginn, 1.desember nk.kl.20. Hátíðleikinn verður í fyrirrúmi þegar Jana María og Ívar flytja jólalög Ellyjar og Vilhjálms Vilhjálmssonar.

Elly og Vilhjálm þarf vart að kynna enda eru þau meðal ástsælustu söngvara landsins fyrr og síðar. Ívar og Jana María flytja öll vinsælu jólalögin af hinni sígildu jólaplötu “Elly og Vilhjálmur syngja jólalög” sem gefin var út árið 1971. Það er svo aldrei að vita nema þau Jana og Ívar bæti svo einhverjum skemmtilegum lögum við dagskránna og að hljómsveitarmeðlimir komi með óvænt atriði.

Jana María og Ívar eru bæði annáluð jólabörn og munu leiða tónleikagesti í áhugavert ferðalag aftur til fortíðar með söng, sögum og kakósopa með piparkökum. Það má því búast við notalegum og hátíðlegum tónleikum og yndislegri stund í Samkomuhúsinu á Akureyri þann 1.desember.

Dagskrá Söngfuglanna á nýju ári verður sem hér segir:

1.desember Elly og Vilhjálmur Vilhjálmsson

31.janúar Ragnar Bjarnason og Sigrún Jónsdóttir

27.mars - Haukur Morthens og Erla Þorsteinsdóttir

29.apríl - Ingibjörg Þorbergs og Alfreð Clausen

Kíkið á tvennu og þrennutilboðin!

Ef keyptir eru miðar á fleiri en eina tónleika í röðinni, verður veittur afsláttur af miðaverði.

Verðið er sem hér segir:
Einir tónleikar kr. 2.500
Tvennir tónleikar kr. 4.000
Þrennir tónleikar kr. 5.500